Portada Música Escosaes les entraes pa los cuatro conciertos de la xira d’Alejandro Sanz

Escosaes les entraes pa los cuatro conciertos de la xira d’Alejandro Sanz

by redacción asturnews
Foto: Venue Magazine (https://www.flickr.com/photos/venuemag/)

Los cuatro conciertos de la xira qu’Alejandro Sanz va ufiertar anguaño pel territoriu español pa presentar el so docenu discu d’estudiu, ElDisco, tán yá escoses, según informó esta selmana pasada la promotora Doctor Music.

Asina, en vendiendo la totalidá de localidaes de los conciertos que se van celebrar el 1 de xunu nel estadiu Benitu Villamarín de Sevilla; el 15 de xunu nel Wanda Metropolitanu de Madrid; y el vienres 21 de xunu nel estadiu Martínez Valero d’Elx (Alicante), yá s’escosaron tamién les entraes para’l de Barcelona, que va tener llugar el 8 de xunu nel RCDE Stadium de Cornellá.

Mientres el próximu mes de xunu Alejandro Sanz va percorrer el país con un espectáculu concebíu para grandes recintos, LaGira para toos, pa presentar les temes del so nuevu discu. D’esti últimu álbum, que se va publicar a mediaos de 2019, Sanz estrenó a principios d’avientu’l so primer anticipu, Nun tengo nada.

Según Doctor Music, Alejandro Sanz confírmase según el primera artista español n’actuar y escosar les entraes nel Wanda Metropolitanu madrilanu, y nel únicu cantante nacional “capaz d’enllenar cuatro estadios nun tiempu récord”.

Tamién te podria gustar