Escomienza una nueva campaña d’escavaciones na Cueva’l Sidrón

01 setiembre 03:05 2005 Imprimir

Un equipu d’arquéologos coordináu polos profesores Javier Fortea y Marco de la Rasilla escomienza esti xueves 1 una nueva campaña d’escavaciones na Cueva’l Sidrón. L’oxetivu de los trabayos entamaos ye atopar restos óseos en bones condiciones pa tentar estraer más material xenéticu pal so estudiu.

Después del ésitu algamáu na últiaa campaña col primer análisis d’ADN fachu a restos neardentales n’Europa, los arquéologos quieren afondar na secuenciación del material xenéticu esistente nel yacimientu piloñetu. Otru de los retos del equipu d’investigadores va ser el de buscar posibles señes d’habitación nel abellugu nomáu de La Cabañina.

La financiación de la campaña arqueolóxica qu’agora escomienza ta sofitada por un convenio a tres anualidaes (2004-2006) de 305.786 euros, soscritu ente’l Principàu y la Universidá d’Uviéu.

  Categories:
Loading Facebook Comments ...