Escolares saharagüis unvien los sos trabayos a los colexos avilesinos colos que tán hermanaos

Escolares saharagüis unvien los sos trabayos a los colexos avilesinos colos que tán hermanaos
27 marzu 09:43 2017 Imprimir

A principios de marzu, aprovechando’l viaxe a los campamentos de l’Asociación Asturiana de Solidaridá col Pueblu Saharagüi, unviose a los colexos d’Avilés hermanaos col pueblu Saharaui cartelos, postales y trabayos manuales realizaos polos escolares avilesinos. Agora, los miembros de l’Asociación que viaxaron a Tinduf apurren al Conceyu los trabayos qu’unvien los neños y neñes de los colexos saharagüis.

La conceyala d’Educación, Yolanda Alonso, recibió la selmana pasada de manos d’Encarnación Fernández, responsable de l’Asociación Asturiana de Solidaridá col Pueblu Saharagüi, los trabayos ellaboraos por neños y neñes saharagüis de los colexos de los campos de refuxaos d’El Aaiun y Dajla. Estos trabayos respuenden a los ellaboraos polos escolares de los 8 colexos d’Avilés y Salinas que participen nel Hermanamiento Escolar y que fueron apurríos nos colexos saharagüis a principios d’esti mes.

Ocho colexos d’Avilés y Salinas tán hermanaos con colexos de los campos de refuxaos de Tinduf, concretamente siete con colexos del Aaiun y unu con un colexu de Dajla. El proyectu de hermanamiento escolar colos colexos de los campamentos de refuxaos del Sahara foi merecedor del premiu Vicente Ferrer 2014.

A principios de marzu, aprovechando’l viaxe a los campamentos de l’Asociación Asturiana de Solidaridá col Pueblu Saharagüi, unviose a los colexos hermanaos cartelos, postales y trabayos manuales realizaos polos escolares avilesinos. Agora, los miembros de l’Asociación que viaxaron a Tinduf apurren al Conceyu los trabayos qu’unvien los neños y neñes de los colexos saharagüis. Los centros educativos avilesinos que’l so alumnáu participa nesti hermanamiento son: CEIP Sabugo, CEIP Villalegre, CEIP Llaranes, CEIP Poeta Juan Ochoa, CEIP Apolinar García Hevia y CEE San Cristóbal, xuntu al castrillonense CEIP Manuel Álvarez Iglesias. Tolos centros tán hermanaos con colexos del campamentu de refuxaos del Aaiún, menos el Apolinar García Hevia que ta hermanáu con un colexu de Dajla. Anguaño incorporáronse al Hermanamiento les escuelines d’Avilés.

  Categories: