Portada Conceyos Escolares d’Avilés presenten los sos proyectos pal mercáu de cooperatives escolares

Escolares d’Avilés presenten los sos proyectos pal mercáu de cooperatives escolares

by redacción asturnews

Escolares d’Avilés presenten los sos proyectos pal mercáu de cooperatives escolares que va celebrase’l 21 de mayu na plaza d’España ente les 9 y les 14 hores.

El conceyal de Promoción Económica, Manuel Riola, recibió esta selmana nel Salón de Recepciones del Conceyu d’Avilés a una delegación de representantes de 10 de les 21 cooperatives que van participar esti próximu día 21 nel mercáu de cooperatives escolares que va tener llugar na Plaza d’España. Nél van poder comercializar los productos resultáu de l’actividá empresarial que desenvolvieron a lo llargo del cursu escolar. Amás de la presentación de los proyectos, los 33 alumnos y alumnes -acompañaos de 9 profesores y profesores- rexistraron nel SAC la so solicitú pala tramitación de l’autorización per parte del Conceyu pa instalar el so puestu de vienta.

La resultancia de tou esti procesu, nel que l’alumnáu tuvo tuteláu por Valnalón, podrá vese nel mercáu entamáu pol Conceyu d’Avilés y la Ciudá Industrial de Valnalón el llunes 21 de mayu na Plaza d’España, n’horariu de 9.00 a 14.00 hores. Nél van participar alredor de 450 alumnos y alumnes.

Les cooperatives formen parte de dellos proyectos de emprendimiento. Empresa Nueva Europa (EXA), ta destináu al alumnáu de secundaria y plantéga-yos el retu de crear y xestionar una miniempresa que desenvuelve la so actividá nel marcu internacional. Nel casu d’Empresa na mio Escuela (EME) y Xuna Empresa nel mio Centru (EMC), l’alumnáu d’educación primaria, d’educación especial o d’integración crea y xestiona xuna cooperativa na que fabrica productos que viende darréu.

Col proyectu Nuevos entamadores Sociales (JES) l’alumnáu de secundaria constitúi una ONG al desenvolvimientu, que tien una contraparte n’otra asociación d’otru país, cola que va buscar financiamientu pa una necesidá detectada pola asociación socia.

Tamién te podria gustar