ConceyosEscéniques EscenAvilés celebra’l branu con 3 estrenos nacionales nel Palaciu Valdés by redacción asturnews 27 de xunu, 2022 written by redacción asturnews 27 de xunu, 2022 2,4K EscenAvilés celebra’l branu con 3 estrenos nacionales nel Palaciu Valdés. Vuelven a la que yá ye la so casa dos de les grandes dames del teatru n’España, Magüi Mira y Lola Herrera, y fainlo compartiendo proyectu: “Adictos”. Mira va ser la encargada de dirixir a Herrera, nuna obra escrita por Daniel Dicenta Herrera, fíu de Lola, y Juanma Gómez, que cuestiona los paradigmes de la sociedá actual. Un proyectu empobinao y protagonizao por muyeres, nel que completen la repartida otres dos actrices de reconocíu prestíu y trayectoria teatral, Ana Labordeta y Lola Baldrich. Pa esta función preparáronse dos sesiones, la primera, dientro del abonu de escenAvilés, el vienres 12 d’agostu a les 21.00 hores, l’estrenu absolutu. Y a otru día, sábadu 13, fora d’abonu, a les 21.00 hores. Un clásicu cinematográficu de los años 80 salta a les tables, una oda a la llibertá que va ver la lluz per primer vegada nel Teatru Palacio Valdés. Tratasede “El besu de la muyer gatuña”; de Manuel Puig, en versión de Diego Sabanés y dirección de Carlota Ferrer. Sobro l’escenariu, un duelu interpretativu ente dos titanes de les artes escéniques, Eusebio Poncela ya Igor Yebra. L’estrenu va tener llugar el vienres 26 d’agostu, a les 21.00 hores. Y la tercera de les propuestes d’estrenu absolutu nacional axunta a una repartida de luxu a les ordes d’unu los directores más en forma del momentu, Daniel Veronese, encarando’l segundu clásicu contemporaneu del Nobel Harold Pinter n’Avilés no que va d’añu, “Torna al Llar”, que saca a rellucir les tensiones internes d’una familia. Miguel Rellán y Fran Perea encabecen un elencu que cunta con David Castillo, Alfonso Lara, Juan Carlos Vellido y Silma López. El vienres 2 de setiembre a les 21.00 hores. Más información 0 FacebookTwitterPinterestEmail Anterior La Caixa ufre con ‘Symphony’ una esperiencia inmersiva siguiente El Club de Llectura d’Avilés dedica so última sesión a Valeria Luiselli Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Nun Tris abre les Xornaes del Festival Nel... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...