Portada Educación EscenAsturias ufrirá cada fin de selmana programación teatral ‘online’

EscenAsturias ufrirá cada fin de selmana programación teatral ‘online’

by redacción asturnews

Tres el zarru de tolos espacios escénicos del Principáu d’Asturies, y nun sabiendo cuando va a ser posible realcontrase pa col públicu, les compañíes qu’integren EscenAsturias vienon acabante decidir compartir nel so Facebook (https://www.facebook.com/escenasturias) dellos de los sos montaxes en Streaming que se van caltener online hasta que dure esta situación.
El Festival “ESCENASTURIAS TE LLEVA L’ESPECTÁCULU A LA TO CASA” va empezar esta fin de selmana y van estrenase en Facebook les siguientes obres:
– Vienres 20:30 – Programación p’adultos – Retablu de l’avaricia, la lluxuria y la muerte de Teatru del Norte –
Sábadu 18:00 – Programación Familiar – La Loka Hestoria de Frankesntein de Acar Teatru del Mundu –
Sábadu 20:30 – Programación p’adultos – Violeta, hestoria d’una tanatopractora de Ambigú Media Broadcast
– Domingo 18:00 – Programación Familiar – El pelegrín valiente de Producciones Nun Tris
– Domingo 20:30 – Programación p’adultos – Les Rellaciones Pelligroses de Factoria Norte.

Cada selmana van dir anunciando la programación de la fin de selmana siguiente que van enllargar hasta’l final d’esta crisis.

Na nota de prensa na que facíen l’anuncia, les compañíes d’Escena Asturies dexaben bien a les clares cualu ye’l so enfotu: “Queremos tamién recordar nesti comunicáu que cuando acabe esta crisis ye indispensable que les alministraciones públiques tantu locales como autonómiques y estatales implicar col sector escénico y cultural yá que sinón por cuenta de les perdes provocaes munches empreses, autónomos y ceadores van vese obligaos a sumir.
A lo último, indicar qu’esperamos poder amenizar a tou aquel públicu que deseyaría tantu como nós compartir estes representaciones en vivu y en directu nun espaciu escénicu. Llueu vamos volver a atopanos”.

Tamién te podria gustar