Escenapache Teatru presenta la so última producción en La Pola

Escenapache Teatru presenta la so última producción que lleva por títulu “NIUE, under the coconuts” y la so puesta n’escena va tener llugar esti xueves 21 de febreru, a les 20.00 hores, nel Teatru Auditoriu de La Pola Siero.

Niue ye un país insular nel Océanu Pacíficu Sur, conocíu como la Roca de Polinesia, alcontráu a unos 2.400 kms. al nordés de Nueva Zelanda, nun triángulu entre Tonga, Samoa y les Isles Cook. Los nuesos dos protagonistes dirixense a esti llugar por motivos de trabayu, cuando un naufraxu asitiase de secute nuna isla remota, deshabitada y desconocida.

Esta situación ye’l puntu de partida pa una revisión vital del tou surrealista, que va llevar a los nuesos actores a encarnar ensame de personaxes y situaciones pintoresques.

La llucha pola supervivencia y la añoranza pola vida ‘civilizada’ marca la estancia d’estos náufragos na isla.

– – – – –

Dirección: Maxi Rodríguez
Repartu: Alberto Rodríguez y Carlos Mesa