Entregáronse los premios del xuego “Desafíu de Pedro Menéndez” d’Avilés

La selmana pasada nel Muséu de la Hestoria Urbana d’Avilés tuvo llugar la entrega de los seis premios del concursu “Desafíu de Pedro Menéndez”, un xuegu en llínea de 110 entrugues sobre la vida y obra del adelantráu nel que participaron 143 persones desque se punxo en marcha’l pasáu 15 de xunu.

La conceyala de Cultura, Yolanda Alonso, y Juan Pablo Villa Casal, responsable de la empresa creadora del xuegu Talent Enterprise presidieron l’actu d’entrega y los obsequios, que se sortearon ente los y les concursantes qu’atroparon más aciertos nel xuegu, consistieron n’entraes dobles pa una representación nel Teatru Palacio Valdés o pa un conciertu de los entamaos pola Factoría Cultural.

Les persones premiaes fueron:

Mercés Ovies Fernández
David Fernández Muñoz
Berta María Arias Álvarez
María del Carmen  González Pérez
Javier Muñiz Pulíu María José
Vera Alarcón

El xuegu, impulsáu pola conceyalía de Cultura, ye una de les iniciatives enmarcaes nel V Centenariu de la nacencia de Pedro Menéndez. El so oxetivu ye informar a la ciudadanía, especialmente a les persones más nueves, sobro la figura del marín ya incidir na innovación nos procesos educativos por aciu la gamificación y l’usu de les tecnoloxíes de la información.

El formatu de “El Desafíu de Pedro Menéndez” ye similar al del popular “Trivial”: consta de 110 entrugues pa les que s’ufierten cuatro respuestes de les que solamente una ye correcta. Los premios sorteáronse ente les persones qu’atinaron siquier el 60% de les cuestiones; sicasí, toes aquelles que llograron llegar hasta’l final del xuegu tuvieron la oportunidá de recibir el cómic del V Centenariu, col que-yos agasayó’l Muséu de la Hestoria Urbana d’Avilés.