Entregaos los premios del XVIII Concursu de Rock Ciudá d’Uviéu

Entregaos los premios del XVIII Concursu de Rock Ciudá d’Uviéu
21 ochobre 11:47 2015 Imprimir

‘Bonaventura’, ‘Winchester’ y ‘The Sonic Race’ son los trés grupos ganadores del XVIII Concursu de rock Ciudá d’Uviéu, celebráu’l pasáu San Mateo. Esti martes pela mañana’l conceyal de Festexos y Presidente de la SOF, Roberto Sánchez Ramos fíxo-yos entrega de los cheques qu’atestigüen el so primeru, segundu y tercer puestu, respectivamente. El conceyal aprovechó la so intervención pa reclamar “una baxada de los impuestos en Cultura” y recordó “que n’otros países como n’Alemaña paga un 7 o 8% frente al 21%”. Sánchez Ramos, que convocó’l XIX certame de rock del añu próximu, esculpó l’ausencia de los músicos de ‘Winchester’,  “que tán grabando un discu” yfizo alcordanza de los 4.800, 3.200 y 1.600 euros que van percibir los escoyíos pol xuráu.

Ulises, voz y guitarra de ‘Bonaventura’, estimó’l premiu y reivindicó la importancia de “amontar la so cuantía porque va ser señal de que les coses ameyoren”. Mentantu que Rafa Jardón, de ‘The Sonic Race’ reivindicó la música en directu y estimó el premiu recibíu.

  Categories:
Loading Facebook Comments ...