Entra en vigor el Reglamentu que permite dirixise n’asturianu a la Universidá d’Uviéu

by asturnet | julio 2, 2009 7:39 am

[1]

Nel BOPA del sábadu pasáu, 27 de xunu, ta espublizáu yá’l reglamentu sobre presentación d’escritos en bable/asturianu nel rexistru de la Universidá d’Uviéu, poro, ye nesti momentu normativa en vigor. El documentu impulsólu’l Rector Vicente Gotor y regula per primer vegada estos procedimientos yá que permite presentar cualesquier testu n’asturianu, sacantes delles escepciones, “por mor de la so necesaria urxencia”.

El Conseyu de Gobiernu de la Universidá d’Uviéu aprobó’l Reglamentu esti 28 de mayu pasáu y robló darréu un conveniu de collaboración cola Conseyería de Cultura, que va da-y el serviciu de traducción al traviés de la recién creada y cuestionada “Unidá de Traducción”.

Reglamentu completu nel BOPA[2]

Endnotes:
  1. [Image]: http://asturnews.com/bancofotos/fotos/2/4363.jpg
  2. Reglamentu completu nel BOPA: http://www.uniovi.es/zope/anuncios_rectorado/p8/2009_16025.pdf

Source URL: http://asturnews.com/entra-en-vigor-el-reglamentu-que-permite-dirixise-n%c2%92asturianu-a-la-universida-d%c2%92uvieu/