Portada Sociedá Entamen una campaña pa que’l guaraní sea llingua oficial en Mercosur

Entamen una campaña pa que’l guaraní sea llingua oficial en Mercosur

by asturnet

La Organización pol Multillingüismu, enraigonada en Cataluña, desenvuelve dende va unes selmanes una campaña pola reconocencia de la oficialidá del guaraní na secretaría de Mercosur. La entidá económica supranacional del Conu Sur americanu namás reconoz oficialmente al español y al portugués, al pesar de que’l guaraní ye l’idioma mayoritariu en Paraguay, estáu miembru d’esta organización.

La llingua indíxena de la república sudamericana ye una de les poques que pervivieron con plena vixencia social gracies al llabor de los misioneros xesuites. Anguaño el guaraní tien la reconocencia de llingua oficial xunta l’español en Paraguay, pero la Secretaría de Mercosur namás considera idiomes oficiales d’esta organización al español y al portugués.

La Organización pol Multillingüismu pide la reconocencia dafechu del idioma propiu de Paraguay nel senu de Mercosur non namás porque seya’l mayoritariu nel país sudamericanu, sinón porque diba valir p’afalar la reconocencia d’otres llingües indíxenes del continente, anguaño en seriu riesgu de supervivencia.

Tamién te podria gustar