Entamen los llaboratorios escolares d’idees del programa Ciencia y Tecnoloxía en Femenín

Entamen los llaboratorios escolares d’idees del programa Ciencia y Tecnoloxía en Femenín
18 xineru 13:22 2022 Imprimir

Esti mes de xineru entamen n’Avilés los llaboratorios escolares d’idees dientro del 4º programa Ciencia y Tecnoloxía en Femenín, con sesiones que van tar protagonizaes por alumnáu de 3º d’ESO de los IES Carreño Miranda y Menéndez Pidal, a los que van siguir los del Virxe de La Lluz, el Nº5, y el Colexu Salesianos-Santu Ángel.

Nesta actividá van buscar respuestes creatives a los retos rellacionaos colos Oxetivos de Desenvolvimientu Sostenible plantegaos por 9 investigadores el pasáu 1 d’avientu, nel actu central del programa. El proyectu ganador n’Avilés va asistir a la fase final del concursu que va tener llugar el xueves 21 d’abril en Madrid.

Güei martes 18 va tener llugar el primeru de los llaboratorios d’idees que se van desenvolver en cinco centros d’Educación Secundaria d’Avilés, dientro de la cuarta edición del programa “Ciencia y Tecnoloxía en Femenín”, empobináu a fomentar l’estudiu de disciplines científiques y tecnolóxiques ente’l públicu xuvenil femenín.

El IES Carreño Miranda va ser l’encargáu de dar el pistoletazu de salida a estes sesiones, que dempués van llegar a los otros centros participantes nesta cuarta edición: los IES Menéndez Pidal, Virxe de La Lluz y Nº5, y el Colexu Salesianos-Santu Ángel.

Más información sobro los llaboratorios confirmaos pa lo que resta del mes de xineru

  Categories: