Entamen los cursos d’asturianu de la Universidá Popular de Xixón

Entamen los cursos d’asturianu de la Universidá Popular de Xixón
09 febreru 10:23 2017 Imprimir

Esti vienres 10 de febreru va ser l’últimu día pa poder matriculase nos dos cursos n’asturianu de la Universidá Popular de Xixón qu’entamen la selmana entrante.

Esti cuatrimestre la Universidá Popular ufierta na so programación, como davezu, dos nuevos cursos de cultura asturiana cola novedá nesti añu de que se van dar dafechamente n’asturianu.

El primeru d’ellos, col títulu de Topónimos de Xixón: orixe y significáu, va tratar de dar a conocer l’importante patrimoniu cultural de los nomes de llugar, al traviés de los que podemos llograr abundante información sobre l’orixe d’esos nomes, del territoriu y de les persones qu’ellí habiten. El curusu va impartise los martes y xueves a partir del 16 de febreru nel CMI d’El Llano y una duración de 10 hores.

El segundu de los cursos va tratar el tema de la normalización y la dinamización llingüística en diferentes coleutivos de la sociedá civil, asina como los recursos culturales esistentes en Xixón y Asturies que se puen utilizar pa ello. El cursu lleva por títulu Dinamizar actividaes en llingua asturiana: medios y recursos, va entamar el 9 de marzu desenvolviéndose los martes y xueves nel CMI d’El Llano.

Amás,  hai un cursu d’ iniciación que va entamar el día 15 de febreru y nel que se realizarán exercicios orales y escritos pa deprender vocabulariu y gramática.

  Categories:
Loading Facebook Comments ...