Portada Sociedá Entamen les XV Xornaes JPOD Xixón 2021

Entamen les XV Xornaes JPOD Xixón 2021

by redacción asturnews

Les Xornaes Nacionales de Podcasting ( JPOD21 ), qu’anguaño celebren la so XV edición, van tener llugar en Xixón dende esti vienres 12 al 14 de payares. Tán entamaes pola Asociación Asturiana de Podcast, que dirixe’l periodista David Remartínez, y van traer cientos de persones a la ciudá.

Too ello pa tratar l’estáu, evolución y perspectives del sector, con empreses, profesionales y aficionaos. L’eventu taba programáu para marzu del añu pasáu y tres dellos aplazamientos provocaos pola pandemia del coronavrius ufiertó finalmente una edición dixital con un programa amenorgáu.

El programa de les xornaes, que les sos entraes yá pueden adquirise, inclúi charres, conferencies, talleres y grabaciones en directu. Van Participar profesionales de tolos ámbitos del podcasting pa crear un completu programa que vamos avanzar nes próximes selmanes. Y mientres l’intre del eventu, que cunta como patrocinadores con delles de les empreses más relevantes del sector, va tratase tamién la situación del podcast, la so evolución y les sos perspectives de futuru. Un alderique nel que dende l’Asociación Asturiana de Podcast va tratar d’arreyar al mayor númberu d’empreses de la rexón posible.

Pa favorecer l’apaición de nuevos programes na zona, que creza’l númberu d’aficionaos y que los que yá conocen el formatu puedan ameyorar les sos habilidaes, van celebrase talleres de guion, llocución y edición. Amás d’ufiertar una programación centrada nun formatu con munches posibilidaes y un gran futuru, l’eventu va apurrir tamién un importante curiosu para’l comerciu y l’hostelería local por cuenta de la so capacidá para atraer turistes, respetando en tou momentu les midíes sanitaries que nesi momentu atópense a valir.

Les JPOD 2021 cunten col patrociniu de Xixón  Impulsa y a lo llargo de les distintes conferencies y meses redondes, por cuenta de la esperada arribación de persones d’otres zones, va promocionase Asturies como destín turísticu y van destacase les sos posibilidaes gastronómiques, para los viaxes deportivos o como llugar de vacaciones.

La inauguración de les xornaes, que cunten coles plataformes Ivoox y Podimo como patrocinadores principales, va tener llugar na tarde del vienres, 12 de payares, y Xixón va convertise dende entós y hasta el domingu 14 de payares na capital nacional del podcast.

Llaboral Ciudá de la Cultura Públicu: Xeneral
Organizador: Asociación Asturiana Podcasting
Cuando: Del 12 de payares de 2021 al 14 de payares de 2021 a les 00:00

Tamién te podria gustar