Entamen les visites n’asturianu pol Conceyu Avilés

La Estaya de la Llingua del Conceyu d’Avilés entama esti vienres caberu del mes de xunetu la primer de les trés visites que tien programaes n’asturianu a llugares emblemáticos del Conceyu.

Col títulu de “CaleyAvilés”, la programación ufierta la posibilidá de visitar dellos espacios que van de la sablera de San Xuan, a les dunes de L´Espartal y la llamarga de Zeluán, ensin escaecer zones urbanes como’l parque La Ferrera y el cascu históricu de la ciudá.

Les visites empiecen esti vienres na sablera de San Xuan, dunes de L´espartal y llamarga de Zeluán y les persones participantes van entender d’una manera cenciella la dinámica costera y los distintos ambientes costeros de la zona: estuarios, marismas, sablera y dunes.

Les esplicaciones van correr al cargu de Verónica Álvarez Cachafeiro, xeóloga, intérprete del patrimoniu y consultora de mediu ambiente, turismu y desenvolvimientu rural. Ta prevista la salida n’autobús a les 16:30 hores dende Avilés hasta la sablera de San Xuan onde va tar esperando la guía de mano la visita a les 17:00 hores. La duración ye de tres hores y media. Cuando se termine la visita, a als 20:30, recoyida de visitantes na sablera de San Xuan y vuelta n’autobús en dirección a Avilés. Encamiéntase llevar calzáu cómodu y el Puntu d’alcuentru va ser El Carbayedo (delantre de Casa Tataguyo).

Les places pa caúna de les visites ye de 20 persones y pa inscribise va por facelo les persones interesaes per teléfonu, llamando al númberu de la Estaya 985 54 55 08; per corréu electrónicu na dirección que vien de siguío: estayallinguaayto-aviles.es o presencialmente na Casa municipal de Cultura d’Avilés (plaza Domingo Álvarez Acebal, 2, primer pisu).