Portada Educación Entamen les actividaes extraescolares d’Avilés

Entamen les actividaes extraescolares d’Avilés

by redacción asturnews

El Conceyu d’Avilés vieno acabante d’empecipiar pa coles actividaes extraescolares nel presente cursu, con un programa qu’aumenta hasta 34 actividaes y caltién el preciu de 1,20 euros per hora, con una ufierta de 1.363 places.

Esti martes 13 d’ochobre empecipiaron les actividaes extraescolares en tolos centros de primaria, de titularidá pública, d’Avilés con una ufierta de la conceyalía d’Educación que llega hasta les 34 actividaes destinaes a tolos neños y neñes n’edá escolar empadronaos o escolarizaos en cualquier centru educativu de la ciudá. Más de 65 monitores especializaos van trabayar nestes actividaes y caltiénense les bonificaciones del 30%, 50% y 80% de la matrícula en función de la renta.

L’oxetivu ye que nengún neñu o neña interesáu en matriculase puea quedar ensin plaza, ufriéndose una llista d’espera  coles mires d’aprovechar los arrenuncios que puedan producise y cola posibilidá de desdoblar dalguna de les actividaes si la demanda lo ficiere necesario. L’horariu de les actividaes extraescolares va ser, según los centros, ente les 16.00  y les 18.00 hores y tolos neños y neñes que se matriculen tienen seguro escolar.

Amás de la ufierta d’otros años, per primer vegada van poer facese actividaes como Yoga con psicomotricidad (educación infantil) o Flamencu y van repetise les qu’aportarán l’añu pasáu con éxitu como los talleres de Children Chef (primaria) y Llingua de signos española. Too ello xunta les actividaes que davezu se vienen ufriendo como voleibol, baloncestu, futbol, balonmano, apriendo los deportes, ximnasia rítmica, aeróbic, yudu, patinaxe, aprendizaxe d’idiomes, artesaníes, teatru, dibuxu, pintura o guitarra.

Tamién te podria gustar