Entamen cursos d’asturianu en Carreño y Gozón

by asturnet | septiembre 1, 2011 7:43 am

Academia de la Llingua Asturiana ta organizando pa los conceyos de Carreño y Gozón – cola collaboración del Serviciu de Normalización Llingüística de la Mancomunidá d’El Cabu Peñes – un cursu d’alfabetización pa persones adultes.

Ye ésti un cursu d’un llargor de 36 hores que va entamar pa mediaos del mes de setiembre: l’últimu día p’apuntase ye’l miércoles 14 de setiembre. Va quedase pal llunes 19 (nel centru polivalente “La Baragaña” de Candás) pa concretar horarios y llugar; en casu contar con xente enforma, daráse unu cursu el Lluanco y otru en Candás.

Pa esti cursu va necesitase contar col manual col que se va trabayar – “Xeitu” ye’l primer manual de llingua asturiana empobináu dafechu pa l’alfabetización de persones adultes. Recueye non solo gramática y exercicios sobre la llingua, sinón tamién testos d’estremáu calter (lliterarios, rellacionaos cola llingua na cai, cola cultura tradicional…) que s’axusten a les demandes del alumnáu de los cursos d’asturianu d’esti calter -. Amás l’Academia entregará a cada alumnu y alumna un exemplar de les “Normes Ortográfiques” y otru de la “Gramática de la Llingua Asturiana”. Esti material tien un coste de 30 €; en casu de contar yá los alumnos y alumnes con ello, podrá cambiase per otres publicaciones na sede de l’Academia de la Llingua.

En terminando, toles persones que participaren del cursu, recibirán un certificáu d’asistencia.

Pa más información ponese en contactu col Serviciu de Normalización Llingüística de la Mancomunidá d’El Cabu Peñes nos tfnos: 985883050 y 985872406.

Pue ponese tamién en contactu y mandar los datos pal cursu a los correos (mandar a los dos) llingua@mcabop.com y clasesdavid@hotmail.com.

Source URL: http://asturnews.com/entamen-cursos-d%c2%92asturianu-en-carreno-y-gozon/