Entamaron les II Xornaes d’homenaxe al Naranco y les sos xoyes

Entamaron les II Xornaes d’homenaxe al Naranco y les sos xoyes
15 xunu 10:47 2019 Imprimir

La vicealcaldesa y la concejala de Participación Ciudadana en funciones, asistió esti vienres a les II Xornaes d’homenaxe al Naranco y les sos xoyes, una cita previa a la Xira al Naranco, que se va celebrar el domingu, 30 de xunu, y que sirve “para poner en valor” esti patrimoniu “al que se-y dio’l llombu mientres tantu tiempu”.

Nesta primer xornada, los alumnos del colexu públicu Parque Infantil presentaron los trabayos que realizaron mientres el cursu pa conocer estos monumentos. Concretamente los estudiantes de 5º ellaboraron un cómic nel que se rellata cómo se construyeron estes xoyes del Prerrománicu y  los de 6º diseñaron y dibuxaron unos cartafueyos nos que recueyen tolos sos detalles.  Amás proyectóse un vídeu del Scape-Room que celebraron utilizando’l Prerrománicu como temática.

La programación va siguir esti sábadu, 15 de xunu, a partir de les 17:00 hores, nel centru social d’Ules, onde se van apurrir los premios del concursu fotográficu “El Naranco y les sos xoyes”, l’historiador Lorenzo Aries Pandorial va impartir la conferencia “El contestu históricu-artísticu de los monumentos del Naranco” y va celebrase una espicha vecinal, cites para les que ye imprescindible inscribise primeramente equí.

  Categories: