Entama’l XVIII Concursu de Canción Asturiana en L’Entregu

Entama’l XVIII Concursu de Canción Asturiana en L’Entregu
08 xineru 19:07 2016 Imprimir

Dende esti vienres 8, 122 intérpretes van tomar parte nel XVIII Concursu de Canción Asturiana de Samartín del Rei Aurelio que va desenvolvese hasta xunu en L’Entregu, cola novedá de la I Muestra de Gaita.

El Teatru Municipal de Samartín del Rei Aurelio va acoyer tolos vienres a lo llargo de seis meses esti tradicional concursu, qu’entama güei cola participación de Rubén Barredo (Villaviciosa), José Tronco (Cangas del Narcea), Eduardo Martínez del Cueto (Ponga), José Manuel González Granda (Llangréu), María Luisa Martínez Suárez (Xixón), María Aurora Platas (Xixón), José Luis González Rodríguez ‘El Presi’ (Avilés), Javier Toral (Mieres), Manuel López Menéndez ‘Carujo’ (Uviéu), Adolfo Amandi (Xixón) y Guzmán González Gutiérrez (Llugones).

El Concursu tien tamién una categoría de menores d’edá, na qu’esti día van intervenir Andrea Méndez Martínez (Xixón) y Sofía Ordóñez (Bimenes), y per primera vegada una amuesa de gaita con concursu en modalidá individual.

Caún de los concursantes tien d’interpretar dos cantares d’estilos diferentes, acompañaos o non pola gaita d’Alfonso de Les Regueres y los que pasen a la final, tendrán d’interpretar nella trés piedes.

El concursu entámalu l’Asociación de la Canción y el Folklore Valle del Nalón en collaboración col Conceyu de Samartín del Rei Aurelio, y la novedá de la edición ye la celebración de la I Muestra de Gaita. Tolos participantes, que llevarán vistimienta tradicional asturiana, competirán cola gaita asturiana d’un solu roncón en cualaquier de les tonalidaes (grillera, redonda o tumbal), tocando dos pieces nes eliminatories y semifinales, mientres que na final tendrán de tocar trés. Una d’elles tien de ser una xota asturiana del centru. L’intérprete qu’abre esti vienres la I Muestra de Gaita ye’l mierense Daniel Valdés.

Loading Facebook Comments ...