Portada Educación Entama’l proyectu Enfoca Talentu 3 d’empleabilidá de muyeres titulaes n’Avilés

Entama’l proyectu Enfoca Talentu 3 d’empleabilidá de muyeres titulaes n’Avilés

by redacción asturnews

Entama’l proyectu Enfoca Talentu 3 que va ameyorar la empleabilidá de 15 muyeres titulaes d’Avilés. Mientres 6 meses va potenciar el so insertamientu llaboral a partir d’actuaciones afeches a los requerimientos del mercáu de trabayu actual.

El conceyal d’Emplegu, Manuel Riola, presentó na mañana del llunes nel Palaciu de Valdecarzana d’Avilés el proyectu “Enfoca Talentu 3” que dio empiezu darréu y va desenvolvese mientres 6 meses. El so oxetivu ye ameyorar la proactividad, empoderamientu y empleabilidá de les 15 muyeres participantes al traviés d’un conxuntu d’acciones d’orientación, capacitación y mentoring que-yos dexen adquirir y/o ameyorar aquelles competencies personal y llaboral necesaries para l’accesu o reincorporación al mercáu llaboral.

Nes dos ediciones anteriores d’esti programa participaron 38 muyeres, de les qu’el 40% consiguieron un emplegu. El proyectu, promovido pol Serviciu de Formación y Empléu del Conceyu d’Avilés, va desenvolvese nel Centru de Emplegu Europa. La so duración dexa entrenar ya interiorizar nueves conocencies y habilidaes con una metodoloxía totalmente práctica y vivencial. Enfoca talentu 3 inclúi les siguientes actuaciones:

  • Acciones d’esploración vocacional. Sesiones individuales empobinaes a la busca d’intereses y definición o re-definición del oxetivu profesional. Dos sesiones de dos hores per cada muyer participante.
  • Acciones de Capacitación. Actividaes formatives grupales empobinaes al desenvolvimientu de competencies y capacidaes. Nesti bloque d’aprendizaxe realizarán píldores de formación denominaes “Speed Learnings”.
  • Proyectu Profesional. Sesiones individuales para la ellaboración del proyectu profesional de cada participante. Dos sesiones de dos hores per cada muyer participante.Acciones de Mentorización.
  • Acciones individuales, que van tener llugar na última fase del proyectu, que se van realizar en collaboración con muyeres empresaries y directives del territoriu asturianu.

El proyectu tamién va ufiertar xornaes abiertes al públicu: meses redondes d’esperiencies de muyeres empresaries y directives y la xornada de clausura que va tener llugar el 19 de marzu de 2019, actu nel  que les participantes van esponer los sos proyectos.

Tamién te podria gustar