Entama’l programa d’anovación social que lidera Avilés con 9 socios europeos

by redacción asturnews | julio 12, 2017 10:58 am

Esti miércoles celebrase n’Avilés la xunta de llanzamientu del proyectu Atlantic Social Lab, que lidera la ciudá asturiana xunta 9 socios de 5 países y qu’incluyi práctiques pilotu pa un meyor aprovechamientu de recursos y pa la inclusión llaboral de persones en riesgu o situación d’esclusión. 

El Conceyu d’Avilés estrenase esti miércoles como líder del proyectu d’innovación social d’ámbitu européu “Atlantic Social Lab”, dientro del Programa Interreg Espacio Atlánticu de la Unión Europea, dedicáu al fomentu de les actividaes de cooperación ente les rexones atlántiques de Francia, Irlanda, Portugal, España y Reinu Uníu. “Atlantic Social Lab”, foi unu de los 45 aprobaos de les 425 candidatures presentaes na primer convocatoria d’esti programa y l’únicu proyectu d’innovación del ámbitu social escoyíu pos el restu fueron del ámbitu de la tecnoloxía.

Les práctiques innovadores que’l proyectu va desenvolver pretenden encetar dos grandes retos, entamando pol denomináu “Efectu Mateo”, pol que les persones más vulnerables nun son les que más partíu saquen a los recursos, servicios y programes sociales, educativos y culturales, por causa de la so falta d’información, conocencia o otres circunstancies. L’oxetivu ye ameyorar l’accesu y l’aprovechamientu, per parte de persones vulnerables y en riesgu d’esclusión social, a los servicios y prestaciones que les distintes instituciones públiques ponen a disposición de la ciudadanía. Y per otru llau, combatir la precarización del trabayu y los escasos mecanismos d’inclusión llaboral de les persones en riesgu o situación d’esclusión social, al traviés de los criterios sociales, medioambientales y éticos na Contratación Pública. Por aciu la contratación pública responsable y el trabayu estrechu col sector priváu pretende favorecese tomar de conciencia de la Responsabilidá Social Empresarial y les ventayes que la so asunción implica en tolos ámbitos. La subcontratación con empreses d’insertamientu o Centros Especiales d’Emplegu ye una de les posibilidaes nes que’l sector priváu puede trabayar.

Más información[1]

Endnotes:
  1. Más información: http://aviles.es/web/guest/inicio/-/asset_publisher/xbzNkVvUI3OO/content/arranca-el-programa-de-innovacion-social-que-lidera-aviles-con-9-socios-de-5-paises/12305

Source URL: http://asturnews.com/entamal-programa-dinnovacion-social-que-lidera-aviles-con-9-socios-europeos/