Entama’l programa Aules pa Mayores en Xixón

La conceyala de Derechos y Bienestar Social, Natalia González, inauguró la selmana pasada’l programa Aules pa Mayores. Tratase d’una serie de talleres para fomentar la participación social y la formación permanente de les persones mayores que se realicen en collaboración colos Centros de Persones Mayores de Xixón.

Retomase d’esta forma dende la división de Promoción Social de la Fundación Municipal de Servicios Sociales dempués de que se desenvolviera de forma online pola pandemia para asegurar l’avieyamientu saludable de les persones mayores, calteniendo les práctiques deportives, actividá física y actividaes cognitives; sofitales psicolóxicamente; fomentar la so participación; desaniciar la so soledá; crear redes de sofitu y de relación ente elles.

• Les claves d’esti programa son les siguientes:
• Fomentar la participación social de la población mayor
• Facilitar un aprendizaxe continuu nesta etapa de la vida
• Desenvolver vezos de vida saludables
• Crear espacios pa la diversión y ocupación por aciu cursos y talleres

Nel añu 2020, impartiéronse un total de 40 talleres realizaos ente’l 13 de xineru de 2020 y el  12 de marzu de 2020, día en que se cierren los Centros de persones mayores, debíu al estáu d’alarma provocáu pola situación d’emerxencia sanitaria aniciada pol COVID-19. Participaron nesti programa un total de 826 persones mayores, 733 muyeres (87,74 %) y 93 homes (11,26 %), habiendo xuna participación mayoritariamente femenina, tónica habitual en toles ediciones.

Anguaño van caltenese los mesmos cursos nos distintos Llares de Mayores, namá que desdoblando los talleres, esto ye, más ediciones del mesmu taller, motiváu poles restricciones d’aforu qu’entá esisten.

Ta previstuo que más de 800 persones mayores d’estos 8 centros participen nos cursos que se tán impartiendo dende’l llunes 4 d’ochobre y van enllargase hasta’l 22 d’avientu. Van Empezar de nuevu nel mes de xineru de 2022 hasta’l so finalización nel mes de xunu.