EducaciónFiestesSociedá Entama’l plazu de matrícula nos Talleres Infantiles d’Avilés (TIA) de Navidá by redacción asturnews 1 d'avientu, 2017 written by redacción asturnews 1 d'avientu, 2017 33 Hasta’l 15 d’avientu, en modalidá presencial y on-line, entama’l plazu de matrícula nos Talleres Infantiles d’Avilés (TIA) de Navidá que van desenvolvese nes vacaciones de los escolinos nos colexos d’El Quirinal y Versalles. Los talleres van tener llugar en dos veces: los díes 26, 27, 28 y 29 d’avientu (vez 1) y 2, 3, 4 y 5 de xineru (vez 2). Ufiértase un total de 100 places para cada vez ente los colexos d’El Quirinal y Versalles. Esti vienres, 1 d’avientu, ábrese’l plazu de matrícula nos Talleres Infantiles d’Avilés (TIA) qu’entama’l Conceyu d’Avilés y que mientres el próximu periodu de vacaciones escolares navidiegues va ufiertar 100 places en cauna de les dos veces previstes: los díes 26, 27, 28 y 29 d’avientu de 2017 (vez 1), y 2, 3, 4 y 5 de xineru de 2018 (vez 2). Les actividaes van desenvolvese n’horariu de 7:30 a 15:30 hores, tanto nel CEIP Versalles como nel CEIP El Quirinal. Los neños y neñes matriculaos van tar estremaos en dos grupos según la so edá -de 4 a 6 años y de 7 a 12 años- y van realizar actividad acordes a la mesma. Van Tar al cargu de profesionales del ámbitu sociocultural, educativu y deportivu y, mientres el serviciu de comedor, van tar atendíos por cuidadores. Como ye habitual en toles actividaes escolares municipales, tán previstes bonificaciones pa les families que la precisen en función de la renta familiar. Van Ser del 30%, del 50% y hasta el 80% del preciu fitu. Estos talleres tán dirixíos a neños y neñes que cursen lnfantil o Primaria nel momentu de formalizar la matrícula. Los padres, madres o tutores llegales de los mesmos tendrán de cumplir con unu de los dos siguientes requisitos: Tar empadronáu/a n’Avilés Tener el llugar de trabayu nel conceyu d’Avilés, teniendo d’apurrir certificáu de la empresa acreditando’l llugar de trabayu. El plazu pa formalizar estes matrícules va rematar el día 15 d’avientu a les 17 hores. Podrán realizase matriculaciones al traviés de dos modalidaes: presencial y online. La modalidá online ta acutada a quien nun soliciten bonificación. Más información Matrícula on line faciendo clic equí 0 FacebookTwitterPinterestEmail Anterior Méndez de Vigo refuga que’l treslláu de la obres de Sijena sía “añedir nada al fueu” siguiente L’estudiantáu encamienta a Educación baxar les tases universitaries Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... El Trasiegu Fest va tener un mercáu con... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes