Portada Conceyos Entama’l I Alcuentru Ciudadanu ‘Faciendo Camín’ en Mieres

Entama’l I Alcuentru Ciudadanu ‘Faciendo Camín’ en Mieres

by redacción asturnews

Mieres va acoyer esta primer fin de selmana del mes d’avientu’l I Alcuentru Ciudadanu Faciendo Camín, un alcuentru que naz de «la necesidá d’abrir espacios para l’alderique, analís y puesta de mancomún d’idees de la ciudadanía», sigún espliquen fontes del consistoriu.

Más allá de los conseyos de participación y otres ferramientes participatives, «viose la necesidá de abrir entá más y trabayar nel tresformamientu de les canales de participación», y de esa necesidá naz esta iniciativa na que participa’l movimientu social y que inclúi actividaes nes que les vecines y los vecinos qu’alleguen van ser protagonistes activos de los distintos talleres. En concretu, les temes a tratar van ser la sostenibilidá, l’urbanismu y el patrimoniu.

L’Alcuentru va tar dinamizáu por colectivos sociales y grupos de participación de mayores infancia y mocedá y, como exa central, tratar de «compartir idees para construyir el conceyu que queremos».

Más información

Tamién te podria gustar