Entama’l el Club de Llectura n’asturianu y gallego-asturianu

by redacción asturnews | diciembre 1, 2017 1:24 pm

La Conseyería d’Educación y Cultura del Principáu d’Asturies vieno acabante presentar esta selmana el Club de Llectura n’asturianu y gallego-asturianu pa que quier ufiertar a los escolinos matriculaos en Llingua Asturiana y Lliteratura o en Gallego-Asturiano la posibilidá de lleer y compartir la esperiencia de la llectura.

El Club de Llectura n’asturianu y gallego-asturianu ye una iniciativa de la Conseyería d’Educación y Cultura del Principáu d’Asturies pa ufiertar a los escolinos matriculaos en Llingua Asturiana y Lliteratura o en Gallego-Asturiano la posibilidá de lleer y compartir la esperiencia de la llectura nestes llingües. Tanto los escolinos de primaria como los de secundaria van poder participar nel Club de Llectura cola ayuda de la Conseyería, que-yos va emprestar los llibros pa lleer y poder facer actividaes rellacionaes cola llectura.

Caún de los centros, coordinaos pol profesoráu de l’asignatura, pue solicitar exemplares de los títulos ufiertaos pa trabayar nel aula olos escolinos y siguir les actividaes plantegaes.

A la final del cursu va haber un Alcuentru de participantes nel Club de llectura n’asturianu y gallego-asturianu pa poner en comuña les sos impresiones y trabayos sobre los llibros escoyíos nuna xornada d’intercambéu d’esperiencies protagonizada polos mesmos escolinos. Caún de los centros participantes, representaos por dellos escolinos, va cuntar la so esperiencia y presentar les xeres y propuestes que fixeron col títulu escoyíu.

 

 

Endnotes:
  1. Qué ye’l Club de Llectura y cómo solicitar llibros: http://www.educastur.es/documents/10531/2313556/2017-11_ast_llibros-llectura-descripcion-ast.pdf/d414c273-14f5-48f4-af34-95b3341f42c5
  2. Catálog: http://www.educastur.es/documents/10531/2313556/2017-11_ast_llibros-llectura-catalogo.pdf/87aa17e9-eaf8-4dde-963e-9dab1e8a0d7c

Source URL: http://asturnews.com/entamal-el-club-de-llectura-nasturianu-y-gallego-asturianu/