Portada Plástiques Entama’l concursu de fotografía “Imágenes de la lectura” en Mieres

Entama’l concursu de fotografía “Imágenes de la lectura” en Mieres

by asturnet

Ta acabante d’entamar el Primer Concursu de fotografía “Imágenes de la lectura” organizáu pola Conceyalía de Cultura del Ayuntamientu de Mieres en collaboración cola Rede de Biblioteques Públiques del Ayuntamientu de Mieres.

El plazu d’entrega de semeyes fina’l 22 d’ochobre y el tema del concursu va ser el llibru y la llectura. Les obres tendrán que ser orixinales de 30×40 centímetros, en color o en blanco y negru, y habrán d’entregase nun cartón ensín marcu y ensín plegar.

Los participantes podrán unviar un másimu de tres semeyes siempre embaxo un mesmu lema, que deberá figurar al dorsu de cada fotografía. Tendrán que dir acompañaes d’un sobre cerráu cola fotocopia del DN.

Los premios van ser una cámara de fotos pal primer premiu y un lote de llibros pal segundu clasificáu. Van configurase dos categoríes, de 13 a 18 años d’edá y de 19 n’adelantre.

Más información

Tamién te podria gustar