Entama’l Ciclu de conciertos del Conservatorio de Xixón

Entama’l Ciclu de conciertos del Conservatorio de Xixón
08 mayu 09:16 2018 Imprimir

El Centru Municipal Integráu de Pumarín Xixón Sur va acoyer a los llargo de los díes 8 , 10, 14, 17, 21 y 22 de mayu a les 19 hores Ciclu de conciertos del Conservatorio de Xixón.

El conservatoriu nel so llabor d’espardimientu de la música y la cultura ufierta seis conciertos con entrada llibre como amuesa del llabor que mientres el cursu realicen los alumnos de les distintes especialidaes y agrupaciones instrumentales. El variáu repertoriu qu’interpreten enceta distintes dómina y estilos y ye dafechamente considerada una propuesta pa esfrutar en familia.

“Más que Jazz” ye una agrupación vocal formada por alumnos del conservatorio de Xixón, profesores, exalumnos y aficionaos a la música coral. Esti coru naz en septiembre de 2012.Más que Jazz apuesta por un repertoriu fundamentalmente jazzístico, anque tamién enceta otros estilos, especialmente de música popular urbana. En el so repertoriu entemecen el swing, blues, bossa nova, gospel, pop, soul… tantu a cappella como con acompañamientu instrumental.

10 mayu CONCIERTU DEPARTAMENTU DE VIENTU

los alumnos del departamentu de vientu van executar un repertoriu que va dar como resultáu un conciertu para esfrutar de la bona música y en familia.

14 mayu CONCIERTU MÚSICA DE CÁMARA

Los alumnos de Música de Cámara del Conservatorio Profesional de Música y Danza de Xixón, van llevar parte del repertoriu camerístico más conocíu a esti conciertu nel que van dar cuenta del so talentu y bon faer, averando al públicu les obres de grandes compositores que seguro-yos resultarán conocíos. Un conciertu para esfrutar de la bona música y en familia.

17 mayu CONCIERTU LITTLE BAND

Naz a empiezos del cursu 2004-2005 col fin d’ampliar y diversificar la ufierta esistente nel conservatorio de Xixón na asignatura d’orquesta, pudiendo asina los alumnos cursar esta asignatura en trés formaciones distintes y complementaries, como son la orquesta sinfónica, la banda y la banda de jazz (Little Band).La Little Band ta formada por flauta, clarinete, saxos, trombones, tubas, trompetes, contrabaxos, guitarra, pianu, batería, percusión y voz.

21 mayu CONCIERTU PIANU

Los alumnos de pianu van realizar un conciertu con un repertoriu nel que van cuntar con bien diverses pieces qu’ensin dulda-yos resultarán interesantes, un conciertu para esfrutar de pieces conocíes y otres non tantu.

22 mayu CONCIERTU CANTO

Un conciertu para esfrutar de les diverses voces del cantar, van executase pieces de diversos estilos que van resultar, ensin dulda, del interés del públicu asistente.

  Categories: