Entama una selmana llena d’actos conmemorativos pel Día Internacional de les Muyeres n’Avilés

Hasta el martes 10 van desenvolvese n’Avilés diverses actividaes entorno al 8M. Carolina Martínez Moreno, catedrática na Universidá d’Uviéu, va presidir la conferencia “Feminización de la precariedá” esti vienres 6 a les 10:15 hores nel Centru de Servicios Universitarios y la VII Carrera Avilés pola Igualdá va dar entamu’l sábadu 7 a les 11:00 hores. El domingu 8 va tener llugar la concentración y llectura del Manifiestu del Conseyu Municipal de la Muyer d’Avilés na plaza d’España.

Por cuenta de la celebración del Día Internacional de les Muyeres, Avilés tien preparaes diverses actividaes que se van desenvolver a lo llargo de seis intensos díes. Esposiciones, conferencies, obres de teatru y una carrera completen el programa.

Esta tarde a les 19:00 h., inaugúrase la esposición “La pegatina: un preséu de propaganda feminista” nel Muséu de la Hestoria Urbana d’Avilés (C/ La Ferrería, 35), entamada pola Fundación José Barreiro. L’amuesa arrexunta pegatinas dende 1965, en plena dictadura, hasta 2018. A la inauguración van asistir Mariví Monteserín, alcaldesa d’Avilés; Carmen Suárez, conseyera d’Educación d’Asturies; les concejalas de Cultura, Yolanda Alonso, ya Igualdá, Lucía Fernández Ron; y la diputada de la Xunta Xeneral y Secretaria d’Organización de la FSA, Gimena Llamedo.

Vienres 6

La xornada sobre desigualdá salarial va entamar esti vienres 6, a les 10 de la mañana nel Centru de Servicios Universitarios (C/ La Ferrería, 7-9). A les 10:15 hores ta previstu qu’empecipie xuna conferencia sobre “Feminización de la precariedá”, al cargu de Carolina Martínez Moreno, catedrática de Derechu del Trabayu y de la Seguridá Social, de la Universidá d’Uviéu.

Más tarde, en redol a les 12:00 hores, va celebrase xuna mesa redonda na que se va aldericar sobre la fienda salarial. Les participantes van ser: Jacinta Amez Navas, del sindicatu Comisiones Obreres; Leticia Bilbao Cuesta, de la Federación Asturiana d’Empresarios; María José Carreteru, de la Fundación Muyeres; y Carmen Escandón, del sindicatu UXT.

Sábadu 7

La VII Carrera Avilés pola Igualdá va dar el pistoletazu de salida a les 11:00 hores na Plaza d’España. El percorríu va ser de 4 kilómetros en dos vueltes y va pasar por Rivero, Parque de La Ferrera, Galiana, Alfonso VII, La Cámara, Rui Pérez, plaza de Pedro Menéndez, Cuesta de la Molinera, La Fruta y de nuevu, Plaza d’España. Les inscripciones son gratuites y pueden realizase hasta mañana 6 de marzu na Sección de Deportes d’El Tayu Inglés d’Avilés. Esta carrera ta entamada pola Fundación Deportiva Municipal, l’Avilés Atletismu y l’Atlética Avilesina, col patrociniu d’El Tayu Inglés.

Domingo 8

La Plaza d’España va acoyer a les 12 hores la concentración con motivu del Día Internacional de les Muyeres y llectura del Manifiestu del Conseyu Municipal de la Muyer d’Avilés. L’actu va cuntar cola actuación del Coru Contracanto.

Llunes 9

La esposición del XXI Concursu de Cartelos y Fotografíes va inaugurar a les 17:30 hores nel Antepar de la Casa de Cultura (plaza d’Álvarez Acebal, 2). L’amuesa arrexunta un total de 13 cartelos, cinco fotografíes a color y nueve en blancu y negru. A la inauguración va asistir la concejala d’Igualdá, Lucía Fernández Ron.

Martes 10

El Teatru Palacio Valdés ver de gala a les 19 hores para representar la obra “La Baltasara”. D’actriz barroca a santa anacoreta”, escrita pola dramaturga, novelista y poeta Inma Chacón, y empobinada por Chani Martín. Amás va dar en realizar la Llectura del manifiestu del 8 de Marzu, ellaboráu pol Conseyu Municipal de la Muyer d’Avilés.

Les entraes son gratuites, y pueden recoyese na taquilla de la Casa Municipal de Cultura, a partir de mañana vienres 6 de marzu, dende les 9.00 a les 17.00 hores. va dexase recoyer hasta un máximu de dos entraes por persona.