Entama otru añu más La Reciella de la Factoría n’Avilés

Entama otru añu más La Reciella de la Factoría n’Avilés
22 xineru 19:28 2016 Imprimir

Esti vienres 22 inagurase’l ciclu d’actividaes qu’entama n’Avilés l’Asociación de Padres pol Asturianu, reciella, en collaboración cola oficina de Normalización Llingüística del conceyu.Como l’añu pasáu les actividaes van tener llugar nel espaciu escénicu de la Factoría Cultural a les 19 hores, con entrada  llibre hasta completar l’aforu (¡y suel completase enseguidina!). Esti vienres  22 de xineru entamen les actvidaes bimensuales de cuentacuentos, teatru y marionetes.

Les actividaes entámales la Estaya de la Llingua d’Avilés en collaboración cola asociación Reciella, nel espaciu escénicu de la Factoría Cultural y van ser tolos díes programaos a les 19 hores, calteniendo la mesma cadarma que les que yá se fixeron col mesmu formatu en 2015 y 2014: una actividá cada dos meses, parando pel branu.

La programación que se presentó esta selmana ábrese güei  cola representación de “Runa” con Nun Tris Teatru, cuentos y canciones de los cinco continentes, un viaxe per diferentes cultures alredor del mundu.

El próximu 11 de marzu va ser la segunda xornada con “Una hestoria con munchu cuentu” de Tragaluz Teatru. Trátase d’un espectáculu de marionetes onde’l personaxe prinipal, Janco, va contando delles histories, poemes y rellatos qu¿atopa nun desván, metiéndose dientro de todos ellos.

Les siguientes actividaes sedrán el 20 de mayu con “Xelaos de cuentu” d’Ana Morán; el 21 d’ochobre. con “Moliniellu” d’ Olga Cuervo (cuentos que falen de moliniellos de vientu, de café y de música); el
25 de payares con “Cuentos, cháchares y paroles” de Carlos Alba (cuentos, canciones y una retafila histories, sobre too de tradición oral) y el 16 d’avientu con “L´Anguleru: Suaños de Navidá” por Olga Cuervo (cuentos alrodiu de L’Anguleru que ye un pescador asturianu que-yos lleva regalos a los neños y les neñes na nueche del 24 d’avientu).

  Categories:
Loading Facebook Comments ...