Entama n’Avilés un ciclu de cine pa visibilizar el papel femenín

Entama n’Avilés un ciclu de cine pa visibilizar el papel femenín
10 mayu 09:27 2019 Imprimir

“La muyer nel arte”, un ciclu de cine pa visibilizar el papel femenín nesti ámbitu, empieza esti vienres cola proyección de “La moza de la perlla”, filme basáu na novela de ficción del mesmu nome. Les proyecciones van tener llugar nel Palaciu de Valdecarzana, con entrada llibre y gratuita y el propósitu ye conocer el rol de les muyeres artistes a lo llargo de la Hestoria al traviés de visionados de películes y charres-alderique.

La conceyalía d’Igualdá entama’l ciclu de cine, “La muyer nel arte”, col oxetivu d’amosar y visibilizar el papel de les muyeres artistes a lo llargo de la Hestoria. Nesti ciclu de cine didácticu, va amosase cómo les muyeres nel arte xugaron tantu roles activos, coles artistes y los sos esfuerzos por abrir camín, como roles pasivos, inspirando y faciendo de modelos pictóriques. Tamién la cronoloxía de la evolución del contestu al que se tuvieron qu’enfrentar y el protagonismu que fueron ganando colos sieglos.

La conceyala d’Igualdá, Raquel Ruiz, presentó esta selmana en rueda de prensa l’eventu, acompañada por Patricia Pérez, directora de Cúntame un cuadru”. El ciclu empieza esti vienres cola proyección de “La moza de la perlla”, filme basáu na novela de ficción del mesmu nome. La siguiente cita va ser el vienres 24 de mayu cola película “Paula”, un drama biográficu basáu na vida de la pintora Paula Modersohn-Becker. Al mesmu xéneru cinematográficu pertenecen les cintes “Frida” y “Big eyes”, basaes nes esperiencies reales de el pintores Frida Kahlo y Margaret Keane, respectivamente, que la so proyección prever para dempués del branu.

El Palaciu de Valdecarzana va acoyer los cuatro cites, que van ser a les 18 hores con entrada gratuita hasta completar aforu. Cada sesión va constar d’unes trés hores en total, nes qu’amás del visionáu de los filmes, la historiadora del arte Patricia Pérez va dar una charra previa, na que va poner en contestu’l momentu histórico y artístico que s’amuesa en cada película. En rematando, va dar en un alderique ya intercambiu d’impresiones sobro les cintes y les artistes.

Patricia Pérez (Avilés, 1981) ye Llicenciada n’Hestoria del Arte pola Universidá d’Uviéu. Ye la directora de la empresa cultural “Cúntame un cuadru” y cuenta con una dilatada esperiencia nel ámbitu de la divulgación del patrimoniu, tantu a nivel local, como rexonal y nacional.

Más información

  Categories: