Entama l’Oktoberfest ¡La fiesta de fin de Branu de Xixón!

Entama l’Oktoberfest ¡La fiesta de fin de Branu de Xixón!
02 setiembre 18:34 2022 Imprimir

La IX edición del Oktoberfest Xixón, el festival de la cerveza más grande del norte d’España, va celebrase hasta’l 11 de setiembre y estrena allugamientu nel parque de los Hermanos Castro siguiendo’l vezu que la Villa de Xovellanos lleva tiempu desenvolvendo de facer fiestes típiques d’otros territotrios n’Asturies escaeciendo los propios.

Tres dos años d’ausencia poles restricciones de la pandemia, el certame va cuntar cola carpa más grande instalada n’Asturies pa dar cabida a quien quieran esfrutar de la gran fiesta fin de branu, con 85 grifos de cerveza disponible nos 16 puestos de bébora. Tres los mostradores de los puestos de cerveza van tar 18 locales representativos de Xixón.

El festival va cuntar con un puestu de bébores ensin alcohol y un restorán onde se van sirvir platos típicos de la cocina teutona como’l codiyu rustíu con pataques, chucrut y salchiches alemanes. Diez dj’s del momentu van ser los encargaos d’animar a tolos asistentes con música, xuegos, sorteos y regalos. La entrada a la carpa d’Hermanos Castro va costar 1 euru.

  Categories: