Portada Escéniques Entama la vienta d’abonos d’escenAvilés pal ciclu abril-xunu’18

Entama la vienta d’abonos d’escenAvilés pal ciclu abril-xunu’18

by redacción asturnews

Esti xueves 15 entamó la vienta d’abonos d’escenAvilés pal ciclu abril-xunu’18 y que va desenvolvese hasta’l xueves 22. Un ciclu nel que hai dellos estrenos y presencies como la del míticu Yhe Globe, cunto a Shakespeare o Alfredo Sanzol.

Como nel últimu trimestre del pasáu añu pal casu de Juan Mayorga, tamién nésti preséntase la doble aproximamientu a un ceador español que gocia del máximu prestíu nel ámbitu teatral, Alfredo Sanzol; La valentía, la so nueva creación, va ser el so primer estrenu n’Avilés, pero dos selmanes antes va lleganos igualmente la so última obra n’exhibición, basada nuna maxistral síntesis de comedies de Shakespeare: La tenrura. Y, en destacable afinidá con ella, de Shakespeare a Shakespeare, una nueva aportación en escenAvilés a la programación de teatru internacional: la compañía del míticu The Globe, mantenedora de les más pures esencies shakesperianas, na so perreducía xira española (Bilbao, Avilés, Madrid), remembra antiguos usos de la dómina isabelina y ufierta nel momentu de la so actuación trés títulos por que sían el espectadores quien escueyan el qu’hai de ser representáu de siguío.

Otros grandes nomes, indisociables de la cartelera avilesina, tán igualmente presentes nesti segundu trimestre del añu: el de Miguel del Arcu, que prosigue con Ilusiones la so brillosa carrera de director d’escena, añediendo un nuevu títulu a la llista d’estrenos locales; o’l de José Sacristán, col so postreru y esitosu mamet, Muñeca de porzolana; o’l de Silvia Marsó, protagonizando nel so menos conocida faceta como cantante 24 hores na vida d’una muyer, versión musical de la famosa obra de Stefan Zweig.

Toes estes representaciones, correspondientes al ciclu Teatru 2018, completense coles programaes n’otros ciclos pa los trés espacios nos que se desenvuelve escenAvilés:

Nel Niemeyer prosiguen les bien demandaes actuaciones del Off con El besu, que sirve de pórticu al Festival LGBTIQ; Cuerdes, una comedia que llega agora a España tres el so ésitu en distintos países; y La voz dormida, versión escénica de la popular novela de Dulce Chacón.

Nel Palaciu Valdés, dos nueves producciones del ciclu Fechu n’Asturies: El mio defectu o Voi Arrincar flores al desiertu y La vida secreta de ma.

A lo último, nel Auditoriu de la Casa de Cultura, el conciertu d’esti trimestre perteneciente a la temporada de la OSPA. Les entraes sueltes podrán adquirise a partir del sábadu 24.

Tamién te podria gustar