Entama la tercer edición del Club de Llectura n’asturianu y gallego-asturianu

Entama la tercer edición del Club de Llectura n’asturianu y gallego-asturianu
27 ochobre 09:11 2019 Imprimir

Entama la tercer edición del Club de Llectura n’asturianu y gallego-asturianu que va incorporar titulos nuevos que puen solicitar Caún de los centros, coordinaos pol profesoráu de l’asignatura,pa trabayar nel aula.

Esta ye la tercer edición del Club de Llectura n’asturianu y gallego-asturianu, qu’esti cursu incorpora dalgunos títulos nuevos amás de los que yá había. Esta iniciativa de la Dirección Xeneral de Política Llingüística del Principáu d’Asturies ufierta a los escolinos matriculaos en Llingua Asturiana y Lliteratura o en Gallego-Asturianu la posibilidá de lleer y compartir la esperiencia de la llectura de llibros nestes llingües. Tanto l’alumnáu de primaria como lo de secundaria y bachilleratu va poder participar nel Club de Llectura cola ayuda de la Dirección Xeneral, que va emprestar los llibros pa lleer y poder facer actividaes rellacionaes cola llectura.

Caún de los centros, coordinaos pol profesoráu de l’asignatura, pue solicitar exemplares de los títulos ufiertaos pa trabayar nel aula.

Qué ye’l Club de Llectura y cómo solicitar llibros (versión n’asturianu) (pdf)
Anexu I (modelu solicitú llibros n’asturianu) (doc)
Descarga equí los títulos ufiertaos (pdf)

Loading Facebook Comments ...