Portada Conceyos Entama la temporada de branu DOLCE17

Entama la temporada de branu DOLCE17

by redacción asturnews

Con motivu del periodu vacacional escolar, del 2 de xunetu al 31 d’agostu, van desenvolvese n’Uviéu distintos talleres y actividaes deportives, culturales y lúdiques; toes elles de calter gratuitu, dirixíes a mozos d’ente 12 y 17 años d’edá, n’horariu de 11 a 14 hores, enmarcaes nel proyectu “DOLCE17 BRANU”.

Les actividaes del programa van dar empiezu nel barriu de La Corredoria, del 2 de xunetu al 3 d’agostu y van llevase a cabu en distintos equipamientos municipales: C.S. Social El Cortixu, Polideportivu La Carisa y C.J. y Telecentro La Corredoria. A partir del 16 de xunetu al 31 d’agostu, van desenvolvese tamién nel barriu de Santullano: Centru Xuvenil Santullano.

A manera d’exemplu, en dambos barrios van poder esfrutar d’actividaes como les que vienen darréu: faigamos una película, tatuaxes de henna, el retu del saber, hamburguesanes, pequeñes delicatessen, chocolateando, pizza y calzone, break dancie, disc golf, esgrima antigua, capoeira o axedrez ente otres tantes.

Pa participar ye imprescindible una autorización roblada acompañada por fotocopia del DNI del/la menor y de la persona responsable.

Si quies conocer la programación completa y otres actividaes previstes pueden consultase nel apartáu de mocedá de la web del Conceyu d’Uviéu.

Más información

Tamién te podria gustar