Entama la recuperación del Naranco con dos planes especiales

Entama la recuperación del Naranco con dos planes especiales
04 setiembre 08:06 2017 Imprimir

L´equipu de gobiernu del conceyu d´Uviéu quier recuperar el monte Naranco, aliegando que mientres los venticuatro años que´l Partíu Popular gobernó nel conceyu actuóse de llombu al pulmón verde y que deseya revertir esta situación polo que va desenvolver dos planes especiales.

Mientres les últimes selmanes l’equipu de Gobiernu d’Uviéi asoleyó un paquete de midíes que se van estremar en dos planes especiales: unu para’l tráficu de los monumentos Santa María del Naranco y San Miguel de Lliño al traviés de la construcción d’una variante y otru para crear una gran zona de parques con accesos piatonales para «ameyorar la calidá del espaciu públicu».

Yá ta dando los primeros pasos. La Conceyalía d’Urbanismu, liderada por Ignacio Fernández del Pandorial, realizó los pliegos de contratación para la redacción del proyectu. La falta de personal nel Conceyu torga que los funcionarios municipales ellaboren esti trabayu y va destinar 72.6000 euros del presupuestu municipal para la contratación d’un equipu especializáu que diseñe toes estes propuestes.

El gobiernu local va estos díes el vistu bonu a les condiciones en xunta de gobiernu. Dempués va habilitase un plazu de quince día para la presentación de les propuestes. La empresa que gane esti concursu va tener diez díes para ellaborar el programa de trabayu y trés meses para la redacción del documentu para la so aprobación inicial, que va costar 30.000 euros a les arques municipales. Na siguiente fase va redactase un informe d’allegamientos con un preciu de 18.000 euros y dempués va faese el testu final (12.000 euros).

 

  Categories: