Entama la recoyida d’invitaciones pal conciertu gratuitu “L’Universu del Cantar” n’Avilés

Esti xueves entamó la recoyida d’invitaciones pal conciertu gratuitu “L’Universu del Cantar” n’Avilés que celébrase esti sábadu, 4 de mayu, a les 19.30 hores nel Teatru Palacio Valdés y repasa la hestoria universal de la música con destacaos intérpretes.

Esti vienres de 11 a 14 y de 18 a 21 hores na taquilla de la Casa de Cultura y el sábadu, dende les 18 hores nel teatru van poer recoyeses les entraes de baldre. Primeres estrelles de la ópera van interpretar aries de Mozart, Wagner, Verdi y Puccini. Destaquen la soprano Tatiana Malnychenko y el barítonu Vladimir Albert, con Alexandra Andreeva al pianu.

El Teatru Palacio Valdés volverá convertise nun escenariu ideal para esfrutar de la música calidable, cola celebración del conciertu estraordinariu gratuitu “L’Universu del cantar” con un programa qu’entemez interpretaciones musicales y con audiovisuales. En conciertu desenvuelve’l llibru del mesmu nome del tenor, compositor y escritor José Manelva Cogollu.

Tratase d’una repasada a la hestoria de la música nes sos distintes etapes con interpretaciones que van dende los cantares ancestrales del Peleolítico y el Neolíticu o la música celta, hasta la música llixera, el rock, el cantar urbanu y la música popular actual, pasando pola música medieval, la Renacencia y el Barrocu, con aries d’óperes de Mozart, Wagner, Verdi y Puccini interpretaes per primeres estrelles de la ópera mundial ente les que s’atopen la soprano Tatiana Malnychenko y el barítonu Vladimir Albert, con Alexandra Andreeva al pianu.

Ta entamáu pola conceyalía de Festexos d’Avilés, cola collaboración José Menalva Cogollu, y va tener llugar el próximu sábadu, 4 de mayu, a les 19.30 hores.

La entrada al conciertu va ser gratuita, previa recoyida d’invitación. Estes atoparánse a disposición del públicu na taquilla de la Casa de Cultura, el vienres 3 de mayu, de 11 a 14 y de 18 a 21 hores, y na taquilla del propiu Teatru Palacio Valdés, el mesmu día de l’actuación, el sábadu 4 de mayu, a les 18 hores.

Presentáu por Loli Olabarrieta, va cuntar con artistes llegaos d’Asturies, de distintes partes d’España y del mundu. El públicu va poder allantase con música de bien diversos estilos, de dómines pasaes y actuales, y llugares alloñaos, pero tamién de raigañu local.

Tenores y sopranos; baillarines clásiques y de danza española; cantantes de rock, de folk, de música asturiana; gaites, pandereteres, poesía; música coral. Les actuaciones van emponer a el espectadores de los cantares más antiguos a los más modernos de la música clásico y popular, de la polifonía al flamencu, de la ópera al pop, de la música celta al tangu.

Van Actuar el tenor José Menalva Cogollu, la soprano Tatiana Melnychenko, el barítonu Vladimir Albert, la cantante de pop-rock Paula Derrenguer, los cantantes de tonada José González “Che de Cabaños” y Manuel Sañudo, la Coral Villa de Xovellanos, el ballet de Myrian Chamorro y Mónica Núñez, la pianista Alexandra Andreeva, el guitarrista Diego García y la bailladora Sandra Risueño col so grupu, el rapsoda José Pandiella, les Pandereteres de Fitoria, y los gaiteros Berto Banielles y Fonsu de -yos Regueres.

Ver programa