Entama la matrícula pa les actividaes extraescolares n’Avilés

Entama la matrícula pa les actividaes extraescolares n’Avilés
13 setiembre 08:34 2017 Imprimir

El plazu pa realizar les inscripciones nes actividaes extraescolares nos centros públicos d’infantil y primaria d’Avilés va permanecer abiertu dende’l llunes 11 hasta’l xueves 28 de setiembre.  Per primer vegada ufiértense actividaes pal últimu cursu del ciclu (0-3) de les Escueles d’Educación Infantil.Estes actividaes son de calter cultural y físicu-deportivu y toes elles tán xestionaes y entamaes pol Conceyu d’Avilés, lo que garantiza una ufierta igualitaria a tolos centros educativos de titularidá pública. Pa esti cursu escolar envalórase xuna participación 1.210 places. Más de 80 monitores especializaos, con esperiencia acreditada, van ser los encargaos d’impartir les distintes disciplines que conformen la ufierta.

“Esti programa non yá tien un componente cultural o deportivu amestáu al tiempu llibre de los neños y neñes fuera del horariu escolar, sinón que promueve la educación en valores y facilita la conciliación de la vida personal, familiar y profesional”, señaló esta selmana la conceyala del ramu Yolanda Alonso.

Más información sobro les actividaes na páxina web del Ayuntamientu

  Categories: