Entama KBUÑS 2019: buscando’l desenvolvimientu positivu del adolescente

Cabueñes, la cita de la mocedá n’Asturies que lleva dos décades desenvolviéndose cada añu en Xixón entama esta selaman, con un bon garapiellu de seminarios y actividaes. L’eventu va tener lugar tolos díes del 10 al 13 d’Ochobre.

Unu de los seminarios de los Alcuentros Internacionales de Mocedá de Cabueñes va poner el focu nel Bienestar personal y social adolescente: ferramientes y recursos para trabayar en contestos socioeducativos’, cursu que va ufiertar conteníos teóricos que van identificar les principales competencies que dexen falar de desenvolvimientu positivu nesta etapa. Coles mesmes, van amosase mecanismos para la promoción de los adolescentes, tantu en población xeneral como en situación de vulnerabilidá y, finalmente, el cursu va centrar nes relaciones sexuales y de pareya ente adolescentes.

El seminariu va tar coordináu por Susana Lázaro Visa, profesora de Psicoloxía Evolutiva y de la Educación na Universidá de Cantabria.

El seminariu inclúi un taller de Tetro Foru que va ser un espaciu de reflexón colectiva pa ensayar el cambéu personal y social. Esti taller va xenerar oportunidaes pa conocer y esquizar el cambéu personal y social, al traviés de situaciones que formen parte de los sos intereses y esmoliciones.

La promoción del desenvolvimientu personal y social de los adolescentes articulóse dende distintes perspectives. Nes últimes décades tomó forma lo que güei conocemos como modelu de desenvolvimientu positivu, modelu que supon xuna nueva forma de pensar sobro la transición a la adultez al entender que xuna adolescencia saludable nun ye aquella qu’evita comportamientos de riesgu, sinón qu’esta implica’l desenvolvimientu d’habilidaes, conductes y competencies necesaries pa tener ésitu na vida social, académica y profesional. A última hora, esti seminariu que propón KBUÑS37 tien un oxetivu final: facilitar tanto’l desenvolvimientu adolescente como la transición a la vida adulta.

Más información