Entama Factoría Sound Acoustic: 18 recitales de música online en directu

Mientres el mes de mayu, a les 21 hores, al traviés de les cuentes de Facebook, Instagram y Youtube de la Factoría Cultural, entama esti martes Factoría Sound Acoustic, 18 recitales de música online en directu con bandes españoles.

Abiertos a tol públicu, y so la etiqueta #FactoríaSoundAcoustic, los conciertos suponen tamién un sofitu pa les 10 bandes que contribuyeron con delles temes a la puesta en marcha del nuevu ciclu. Van Ser un total de 18 recitales, que van empezar esti martes, 12 de mayu, col brillante rock de los gaditanos Electric Alley, un referente dientro y fora d’España.

La crisis del COVID-19 supunxo un cambéu radical  a la d’entender l’espardimientu de la cultura, ensin actividá presencial, y los músicos vivenla en primer persona. Cola fin d’averar la meyor música a tolos públicos, la conceyalía de Cultura d’Avilés llanza Factoría Sound Acoustic, conciertos en directu al traviés de la rede de delles de les bandes españoles que yá participaron nel esitosu ciclu que tien llugar na Factoría Cultural.

Un total de 18 recitales n’acústicu, ufiertaos por 10 grupos piqueros del panorama nacional, que van tener llugar siempres a les 21 hores. Los gaditanos Electric Alley col so rock brillante que cautiva dientro y fora d’España, van ser los encargaos d’ufiertar el primeru’l próximu martes, 12 de mayu.

Al traviés d’Internet, llegando a #cualquier rincón del mundu por aciu les redes sociales cola etiqueta especial #FactoríaSoundAcoustic, Factoría Sound quier convertise tamién nun referente online, como yá lo ye pa los aficionaos a la bona música en tol norte d’España.

Según esplicó la conceyala de Cultura, Yolanda Alonso, tratase de “una iniciativa que supón tamién brindar un sofitu a los grupos que formen parte de la hestoria de Factoría Sound y contribuyeron a la so crecedera”. Son los mentaos Electric Alley, qu’actuaron en xineru d’este mesmu añu, pero tamién The Soulbreaker Company, Hey Honcho & The Aftermaths, The Soul Jacket y Los Brazos, na edición de 2017; The Kleejoss Band y Dead Tarascu, nel 2018, y Schizophrenic Spacers, Bourbon, y King Sapu, en 2019. Toos amosaron el so agradecimientu por participar nesti nuevu proyectu.

Cada unu d’ellos apurrió unu, dos o trés temes, tocaos en directu, que podrán esfrutase dende casa al traviés de #cualquier dispositivu con conexón a Internet, gracies a les redes sociales de Factoría Sound y la Factoría Cultural, que son les siguientes:

Facebook:  https://www.facebook.com/factoriasound/
Instagram: @factoriasound
Youtube: Factoría Cultural Avilés

Factoría Sound Acoustic va desenvolvese mientres les circunstancies nun dexen esfrutar de los conciertos sobro l’escenariu de la Factoría. Coles mesmes, déxase la puerta abierta a la participación de más grupos, tanto avilesinos, como asturianos ya internacionales, sobro la base de conciertos acústicos pa tolos públicos.

Programación Factoría Sound Acoustic

Electric Alley: Martes 12 de mayu Schizophrenic
Spacers: Miércoles 13 de mayu y domingu  24 de mayu Los
Brazos: Xueves 14 de mayu y martes 26 de mayu Hey
Honcho & The Aftermaths: Vienres 15 de mayu y miércoles 27 de mayu Dead
Tarascu: Sábadu 16 de Mayu y xueves 28 de mayu The
Soul Jacket: Domingo 17 de mayu, vienres 22 de mayu y vienres 29 de mayu.
The Soulbreaker Company: Martes 19 de mayu Bourbon:
Miércoles 20 de mayu y sábadu 30 de mayu The
Kleejoss Band: Xueves 21 de mayu y domingu 31 de mayu King
Sapu: Sábadu 23 de mayu