Entama en Xixón la campaña “Basura a barcalaes”

Entama en Xixón la campaña “Basura a barcalaes”
27 agostu 11:19 2018 Imprimir

El Conceyu de Xixón y l’Autoridá Portuaria prenteden concenciar a tolos ciudadanos de que ye imprescindible que la nuesa basura nun termine nel mar por aciu la campaña “Basura a barcalaes”.

Esta campaña consiste n’unos cartelos con imáxenes atanantes que se van a partir pela ciudá, y amás hasta finales de setiembre podrá vese nel Puertu Deportivu una esposición conimágenes y testos que nos deben mover a la reflexón. La producción mundial de plásticos en 2014 foi de 311 millones detoneladas, de los que s’envalora que casi un 5% termina nel mar.

Les basures plástiques son abasnaws poles corrientes y los vientos y yá puen atopase prácticamente en cualquier llugar, incluyendo los llugares más remotos y deshabitados, como l’Árticu y el fondu del océanu. Resulta imprescindible que tomemos conciencia de la importancia d’amenorgar el consumu de plásticos d’un solu usu, de la reutilización y el recicláu, siempres xestionando afechiscamente les borrafes.

Les agües de Xixón nun son ayenes a esti fenómenu, atopándose no fondero del puertu deportivu tou tipu d’oxetos refundiaos a l’agua intencionadamente o por descuidu.

Per parte de l’Autoridá Portuaria van instalase nuevos modelos de papeleres y señalizóse la zona para recordar qu’el so usu ye necesariu. Tamién s’acutó l’accesu a les ramples más próximes a la Cuesta d’El Cholo.