Entama dafechu la dixitalización de la banca n’España

En 2017, esistíen trés vegaes más usuarios de banca online n’España qu’en 2006 hasta algamar esta un usu del 46% de la población, según Eurostat nun estudiu qu’afita que la dixitalización de la banca n’España ye yá una realidá.

L’usu d’esta, tá estendiéndose rápido demientres la última década, inda nun algamar a la metá de la población, como sí ye’l casu n’otros países de la nuesa redolada, como Alemaña, Irlanda o Dinamarca, según la base de datos de la UE.

Al respective de les entidaes financieres, la que cunta con más usuarios online n’España ye ING Direct, col 95% de los sos veceros qu’apuerten a la so cuenta al traviés d’Internet y convirtiéndose de llueñe nel númberu unu. Sígue-y el BBVA, con un 50,1%, y el bancu Sabadell, con un 49,8%, según un estudiu de Inmark, que los sos datos fueron recoyíos per El País.