Música Entamal IX Festival Intercélticu del Occidente by asturnet 15 d'agostu, 2005 written by asturnet 15 d'agostu, 2005 27 El Festival Intercelticu del Occidente, entama mañana en Tapia con un programa repletu d’actos. El director xeneral de Promoción Cultural y Política Llingüística, Carlos Madera, va tar presente mañana miercoles, 17 d’agostu, na presentación d’esti festival, que se va durar hasta’l 22 d’agostu. L’eventu empieza coles actuaciones de «Bagad Landerneau», de Gran Bretaña; los asturianos «Camín de Fierru»; «Williamwood Pipe Band», d’Escocia; «Corisco», de Galicia, y el grupu alemán «Volkstanzgruppe». Amás, mañana va proyectase un vídeu sobre hórrios y paneres y ta prevista una conferencia sobre «bandurries» asturianes, que va presentar el profesor de la Escuela de Música del Ayuntamientu de Tapia Jose Ángel Llanera. De nueche va cellebrase la primera verbena tradicional asturiana, na que dos bandes van interpretar música ambientada nel sieglu XIX. El xueves va poder disfrutase de diversos talleres, como’l de dances bretonas, el taller d’harpa y la esposición «Rabeles en España». Amás de la conferencia sobre «Folclore Galicia siglo XXI». La nueche tará llena de folk, coles actuaciones de «Save The Dragons», d’Escocia, y «Folixa», de l’Arxentina. El fin de selmana entama’l viernes con una conferencia sobre la gaita n’Alemania y otra sobre la flauta dientro del mundu del folk, con Xurto Santote, amás d’un cursu de percusión de Manuel Durán. De nueche la música cuerre a cargu de los asturianos «Rum» y los gallegos «Xistra de Coruxo». Mentes qu’l sábadu habrá un taller de danza gallega, un taller de gaita escocesa y un pasacais de les bandes del festival. Esti día tendrá llugar la «nueche máxica», con cuatrocientos artistes y la representación del grupu de teatru «Margen». El domingu toca un gran conciertu de música folck nel que van participar «Les Batinses» de Canadá, los asturianos «Llangres» y los escoceses «Breizh Le Cam». El programa termina’l llunes con un cursu d’averamientu a la gaita asturiana. Nel actu de presentación de mañana van tar presentes tamien l’alcalde de Tapia, Gervasio Acevedo; el director del FID´O, Martín Fernández; el director del centru territorial de TVE n’Asturies, Pedro Alberto Marcos, y un representante de Cajastur, Sociedá Xeneral d’Autores y el diariu La Nueva España. Esti festival, organizáu pola Banda Gaites Marino Tapiega, vien cellebrándose dende hai nueve años con gran esitu, convirtiendose asina nun referente de la música celta. 0 FacebookTwitterPinterestEmail Anterior AA acusa al ayuntamientu dAvilés docultar datos importantes pa la salú de los sos vecinos siguiente Alumnos del ITAE denuncien la pasividá del Principáu na oficialización de los sos títulos Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón