Portada Cine Enric Álvarez protagonizó otru alcuentru del cursu de guion de la Cátedra Cine d’Avilés

Enric Álvarez protagonizó otru alcuentru del cursu de guion de la Cátedra Cine d’Avilés

by redacción asturnews

L’octavu alcuentru del Cursu de Iniciación al Guión de Cine “Escribir pa les pantalles” de la Cátedra de Cine d’Avilés, entamada pola Universidá d’Uviéu y el Conceyu d’Avilés, tuvo como protagonista al guionista Enric Álvarez. Foi esti martes 3 de mayu a les 18.00 hores nel Centru de Servicios Universitarios (C/La Ferrería, 7).

Enric Álvarez ye guionista xefe de la productora barcelonesa Goroka, y responsable del guion de la serie documental “Crímenes”, que s’emite na plataforma Movistar+, y prepara coles mesmes otra hestoria de crímenes reales para TVE. Destaca especialmente’l so trabayu en documentales como “Dani Pedrosa, el silenciu del Samurai”, “Balandrau, infiernu xeláu”, “L’últimu día”, “El domador de pexes” o “El Perdón”.

Nel so estensu currículu atópase la dirección de “Mixtape”, un programa sobro músiques urbanes nel qu’apaecieron dende Rosalía a Yung Beef, pasando por C. Tangana o Morái. Tamién foi coordinador de conteníos de “Diariu Vice”, el programa diariu de reportaxes qu’emitía Movistar+, y escribió ficciones como “Les dos vides d’Andrés Rabadán, basada na vida d’Andrés Rabadán, el conocíu como asesín de la ballesta.

El Cursu de Iniciación al Guión de Cine “Escribir pa les pantalles”, nel que s’enmarquen los diez alcuentros programaos, ta dirixíu por Lola Salvador Maldonado, probablemente la figura de referencia nel mundu del guión n’España, y coordináu por José Ángel Lázaro, subdireutor de la Cátedra, y por Francisco Pardo, responsable del Departamentu de Promociones Artístiques de la Escuela Cimera d’Arte Dramático d’Asturies. Entamar en collaboración cola Escuela Cimera d’Arte Dramático (ESAD).

Tamién te podria gustar