Energizer va presentar smartphones con una super batería

Energizer va presentar smartphones con una super batería
18 febreru 10:22 2019 Imprimir

La empresa Energizer, unu de los fabricantes de piles y bateríes con mayor volume de mercáu del mundu, anunció que va presentar 26 nuevos modelos de teléfonu nesta edición del Mobile World Congress Barcelona. Ente ellos, atópase’l prototipu del Power Max Phone que, tal que informa la publicación especializada 9to5Google, taría forníu con una batería de 18.000 miliamperios per hora.

Si esto ye asina, esta pasaría a convertise na de mayor potencia nunca fabricada pa estos dispositivos, según The Verge. Anque se desconoz cuántes hores d’usu fadríen posible los 18.000 miliamperios per hora del Power Max Phone, si atendemos a la duración de los modelos con una batería de mayor aguantadera según la páxina Mobile Sable, paez qu’esti modelu sería bien cimeru a los disponibles na actualidá. Por casu, el Xiaomi Mi Max 2, qu’encabeza’l ranking con 5.300 miliamperios per hora (casi trés vegaes menos que’l nuevu teléfonu), puede funcionar hasta 17 hores 22 minutos ente carga y carga.

Fuente: es.statista.com

  Categories: