Empieza’l programa d’apertura de centros escolares pel branu n’Uviéu

Empieza’l programa d’apertura de centros escolares pel branu n’Uviéu
04 xunetu 12:24 2016 Imprimir

El colexu públicu de La Ería ye unu de los siete centros escolares qu’abre les sos puertes mientres el periodu de vacaciones como midida de conciliación llaboral y familiar y de sofitu nutricional a los menores que va beneficiar a cásique seis mil escolinos.

Un total de 5.894 escolares van participar nel programa d’apertura braniza de centros educativos, que s’ufierta, per primer vegada, demientres 11 selmanes, del 27 de xunu al 9 de setiembre, esto ye, tomando tol periodu de vacaciones de los pequeños. Según dixera na presentación del programa la edil de cultura del Ayuntamientu, la midida yera necesaria” al ver “les necesidaes de les families”. Amás del colexu públicu de La Ería, los centros Buenavista II, Lorenzo Novo Mier, Maestru Jaime Borrás, Parque Infantil, Poeta Ángel González y Veneranda Pumar abrieron les sos puertes esti branu.

Empobináu a los alumnos de 2 º Ciclu d’Educación Infantil (3 a 6 años), Primaria (6 a 12 años) y NEE de cualesquier de les franxes d’edá señalaes, esta midida escuerre facilitar la conciliación de la vida llaboral y familiar, ufiertar a los pequeños un recursu educativu más que fomente nos beneficiarios les conocencies, valores y relaciones colos demás, y garantizar les necesidaes d’alimentación a la población infantil en periodu vacacional. Pa ello, anguaño sumóse el serviciu d’almuerzu al de comedor, yá ufiertáu’l branu pasáu, polo que l’horariu d’atención a los menores estender de 7:30 a 16:00 hores.

 

  Categories: