Portada Educación Empieza n’Avilés la IX edición del proyectu “Conecta Nuevu”

Empieza n’Avilés la IX edición del proyectu “Conecta Nuevu”

by redacción asturnews
ZIg Zag Danza

El Serviciu de Mocedá del Conceyu d’Avilés pon en marcha otra vuelta’l proyectu “Conecta Nuevu”, un proyectu educativo y social, d’ámbitu estatal, nel que mozos voluntarios avilesinos de 15 a 20 años enseñen informática básica a persones mayores.

Per novenu añu consecutivu, el Serviciu de Mocedá del Conceyu d’Avilés pon en marcha’l proyectu Conecta Nuevu abriendo’l plazu d’inscripción hasta’l 15 de febreru. Al traviés d’esti proyectu educativo y social, d’ámbitu estatal, mozos voluntarios avilesinos de 15 a 20 años enseñen informática básica a persones mayores que, por distintes razones, tienen mayor dificultá nel accesu a les nueves tecnoloxíes.

A lo llargo d’estos años, d’esperiencia bien positiva tantu pa les y los mozos como pa les persones mayores, 165 moces averaron toles posibilidaes qu’ufierten les nueves tecnoloxíes a 1.325 persones mayores. Tal que manifiesta la xente beneficiao, resulta bien motivador y prestoso que moces y mozos enséñen-yos programes colos que poder comunicase colos sos fios y nietos, buscar información del so interés, lleer el periódicu, etc.

El plazu d’inscripción pa les persones adultes que quieran asistir a cursos d’informática básica abrióse’l 11 de xineru y va tar disponible hasta’l 15 de febreru. Anguaño son 12 nueves persones nueves quien participen nel proyectu como voluntariau.

Los cursos van desenvolvese per primer vez del 15 de febreru al 17 de marzu nos centros,  C.P Enrique Alonso, C.P Palacio Valdés y Centro Europa. L’horariu de les clases sedrá 2 díes a la selmana de 18:00 a 20:00 hores.

Los oxetivos que pretenden consiguise son;

  • Promover la participación de los mozos como axentes promotores de la sociedá de la información y de la inclusión social.
  • Reforzar les relaciones ente adolescentes, adultos, la redolada educativo y comuñal.
  • Promover el trabayu en rede ente la comunidá educativa y les asociaciones locales, con una dimensión comuñal.
  • Amenorgar la fienda dixital ente la población con menos recursos y con más dificultaes d’accesu a la sociedá de la información.

Tamién te podria gustar