Portada Conceyos Empiecen los Talleres infantiles d´animación a la llectura nes biblioteques d´Avilés

Empiecen los Talleres infantiles d´animación a la llectura nes biblioteques d´Avilés

by redacción asturnews

Les biblioteques públiques municipales d’Avilés retomen una de les sos actividaes tradicionales, los Talleres infantiles d’animación a la llectura. Empiecen esti xueves 14 d’ochobre nel Centru Sociocultural de La Carriona a les 18 hores.

Entamaos cola collaboración de l’Asociación La Caracola, tán destinaos a neñes y neños d’ente 4 y 8 años y son dafechamente gratuitos. Al cuntar con places llindaes, ye necesaria la inscripción previa en caúna de les biblioteques onde se realice.

Tratase d’una actividá que promueve la reflexón y fomenta la creatividá del públicu infantil, al traviés de la llectura compartida d’un cuentu tres la cual, realízase xuna propuesta participativa na que, partiendo del llibru, desenvuélvese la imaxinación y les artes plástiques.

La programación ye la siguiente:

  • Biblioteca Bance Candamo. 22 d’ochobre, 19 de payares y 17 d’avientu. 18.00 hores
  • Biblioteca de Los Canapés. 21 d’ochobre, 25 de payares y 9 d’avientu. 18.00 hores.
  • Biblioteca de La Lluz. 10 de payares y 1 d’avientu. 18.00 hores.
  • Biblioteca de La Carriona. 14 d’ochobre, 11 de payares y 2 d’avientu. 18.00 hores.

Tamién te podria gustar