Portada Educación Empiecen les prebes de diagnósticu pa 5.085 alumnos de Primaria y ESO

Empiecen les prebes de diagnósticu pa 5.085 alumnos de Primaria y ESO

by redacción asturnews

Esti mes de mayu empiecen les prebes de diagnósticu pa 5.085 alumnos de Primaria y ESO d’Asturies que nun van tener efectos académicos y nun van ser necesaries pa titular.

Un total de 2.677 alumnos de sestu de Primaria y 2.408 de cuartu de Secundaria (5.085 en total) de 140 centros educativos empecipien les pruebes de diagnósticu, que yá dende l’añu pasáu nada tienen que ver coles reválides enllantaes nun principiu na LOMCE. Nun van tener efectos académicos y nun van ser necesaries pa titular. Los estudiantes tampoco van ser evaluaos individualmente (nun va haber notes para cada unu d’ellos), sinón que lo que se busca, remarca la Conseyería d’Educación, ye tener una radiografía de cada unu de los centros pa poer tresllada-yos en septiembre «un informe de consumu internu» y establecer midíes de meyora. En dichu documentu, especifícase que les resultancies d’esa evaluación «nun van ser utilizaos para l’establecimientu de rankings».

El xefe del Serviciu d’Evaluación Educativa, Ángel Balea, recordó estos díes qu’Asturies lleva realizando esti tipu de pruebes dende va una década y «bien útiles pa la conocencia del sistema». Nesti sentíu, señaló que fai solo unos díes presentó ante’l Conseyu Escolar del Principáu (nel que tán representaos los sindicatos docentes y les confederaciones de padres y madres, ente otros) la información, a títulu individual, que llega a cada colexu ya institutu, y «naide tuvo nenguna dulda de la bondá del productu que se treslladaba a los centros».

Les prebes vandesenvolvese esta selmana y los alumnos de Primaria van ser evaluaos de les competencies llingüístico y científico y tecnolóxica y mañana de la llingüística n’inglés y la matemática. Les pruebes, esaniciando los descansos qu’hai por mediu, van durar alredor d’unes dos hores.

Nel casu de los estudiantes de Secundaria, van encarar un día les pruebes de Llingua y Hestoria y Xeografía (competencia cívica) y otru les d’Inglés y Matemátiques. Coles mesmes, apurrióse a les direcciones, una parte del profesoráu, a les families y a los alumnos unos cuestionarios sobro la organización del centru y el trabayu dientro y fora de l’aula.

Tamién te podria gustar