Emítese na TV pública’l primer programa n’aragonés

Emítese na TV pública’l primer programa n’aragonés
06 mayu 10:16 2019 Imprimir

La televisión autonómica d’Aragón eentamó a emitir esti domingu un programa íntegramente en llingua aragonesa que col títulu de ‘Charrín Charrán’,espresión del aragonés que significa “falando”, ye la primer amuesa audiovisual y televisiva nesa llingua.

L’aragonés, al igual que’l catalán, figura como una de les llingües “propies” d’Aragón y envalórase que la falen alrodiu 25.556 persones y que la  conocen dores sobro los 56.235, incluyíos quien solo lo entienden.

De forma optativa y voluntaria, l’aragonés impartese nunos 60 colexos ya institutos de la rexón, con un total de 1.250 alumnos y va tiempui que la Unesco incluyi al aragonés ente les llingües en víes de desapaición.

Apocayá apurriéronse los 161 primeros títulos oficiales d’aragonés, similares a los de francés ya inglés. A les pruebes de nivel, celebraes na Escuela oficial d’Idiomes de Zaragoza, presentáronse unos 500 aspirantes, de los qu’un porcentaxe bien altu superó los exames nes distintes categoríes.

El programa ‘Charrín Charrán’ (espresión del aragonés que significa “falando”), emitiose de 9.45  a 10.15 y ye un magazín qu’ufierta reportaxes y entevistes sobro distintes temes actuales, sociales y culturales de la comunidá aragonesa dende una perspectiva nuevo y gayolero.

Ta conducíu por Silvia Cebolla, youtuber zaragozana con amplia esperiencia na xeneración de conteníos en llingua aragonesa. Al pie de ella tamién participen Jorge Pueyo, llicenciáu en Derechu, natural de Fonz (Huesca), unu de los conceyos onde l’aragonés falase con mayor vitalidá, y Juan Pablo Martínez, profesor de la Universidá de Zaragoza y académicu de la llingua aragonesa

  Categories:
Loading Facebook Comments ...