Emilio Benallas protagoniza una esposición qu’abre esti llunes en Llugones

Una selección pictórica d’Emilio Benallas va poder contemplase del 13 al 27 de xineru na Casa de Cultura de la localidá.  L’artista plásticu protagoniza una esposición que lleva por títulu “Los mundos d’Emilio Benallas” va poder visitate de llunes a vienres, de 17 a 20 hores.

Benallas va presentar una quincena de pintures nes qu’utilizó diverses técniques pictóriques, afiguraes en distintos formatos. La seña d’identidá d’esta esposición ye la llibertá del actu creativu, ensin corsés nin atadures. Emilio esfruta col dibuxu de base, usa el color, busca la lluz y esperimenta con cualquier soporte o pigmentu que caya nes sos manos.

Nesta amuesa van poder contemplase dende obres espresionistes a astracciones de paisaxes, pasando por pintures impresionistes y una obra en gran formatu que reproduz la ponte romana de Cangues d’Onís.

Coincidiendo cola inauguración y clausura de la esposición, Emilio va sortear dos de los cuadros espuestos. Los sorteos van tener llugar, poro, los díes 13 y 27 de xineru, a les 19.00 hores. Van Poder participar tolos visitantes a l’amuesa qu’asina lo deseyen, a cencielles rellenando un boletu col so nome y el so teléfonu. Y ye el que sortéu de les sos obres ye una de les señes d’identidá de la so trayectoria artística, na so obsesión por faer accesible l’arte y averalo a toles persones, independientemente de la so condición social.

Emilio Expósito Venallas (Uviéu, 1969), ta afincáu en Llugones dende 2019. Dende bien nuevu demostró talentu artístico y quixo estudiar Belles Artes, pero l’ausencia de recursos quitó-y de poder dedicase a la so pasión. Tres una dura trayectoria vital marcada pola ausencia d’oportunidaes, empecipiar nel arte na prisión de Alhaurín (Málaga). Casi como una necesidá, empezó a faer semeyes a carboncillo a los sos compañeros de presidiu, lo que-y dexaba llograr unos ingresos bien necesarios.

En saliendo de la cárcel entornó la so actividá escontra la pintura na cai. Primero en Málaga y darréu n’Uviéu. Precisamente na capital asturiana llabróse un nome como artista caleyeru, tantu pol sortéu de les sos obres como pol cuadru que-y regaló a la Reina Letizia nel branu de 2019.

Esta va ser la so primer esposición nuna sala, cola que pretende consolidar la so integración social en Llugones y dase a conocer ente los sos vecinos.